वर्ध्यातील गाजलेला आरोप : तत्कालीन पोलिस निरीक्षक पराग पोटे यांचे दीड कोटींचे करप्शन?

वर्ध्यातील गाजलेला आरोप : तत्कालीन पोलिस निरीक्षक पराग पोटे यांचे दीड कोटींचे करप्शन?

वर्धा (प्रतिनिधी – मंगेश चोरे) :
वर्धा पोलिस ठाण्याचे तत्कालीन पोलिस निरीक्षक पराग पोटे यांच्यावर भ्रष्टाचार व गैरप्रकारांचे गंभीर आरोप झाले असून, त्यांच्या विरोधात लाचलुचपत प्रतिबंधक विभागाकडे चौकशीची मागणी पोहोचली आहे. सूत्रांच्या माहितीनुसार, पोटे यांनी वर्ध्यात कार्यरत असताना दीड कोटी रुपयांचा बेकायदेशीर भ्रष्टाचार केला असल्याचा दावा करण्यात येतो.

नागपूरमध्ये कार्यरत असताना देखील पोटे यांचे नाव गाजले होते. लकडगंज पोलिस ठाण्याचे ठाणेदार म्हणून ते गंगाजमुना परिसरात कार्यरत होते. याच काळात एका वृत्तपत्राच्या हाती ठाण्यातच महिला नाचविण्याचा प्रकार लागला होता. मात्र तो वाद गाजण्याआधीच दडपल्याची चर्चा आहे.

वर्ध्यात बदली झाल्यानंतर पोटे यांच्याविरोधात पुन्हा भ्रष्टाचाराचे आरोप जोर धरू लागले. नुरुल हसन यांच्या सांगण्यावरून ३५ लाखांचे नुकसान झाल्याचा दावा काही व्यक्तींनी केला आहे. याशिवाय, “पदाचा गैरवापर करून अनेक संशयास्पद व्यवहार केल्याचे” स्थानिक नागरिकांचे म्हणणे आहे.

या सर्व आरोपांची चौकशी करून पोटे यांच्या संपत्तीचा तपास करावा, अशी मागणी आता जनतेतून होत आहे. लाचलुचपत विभागाला या संदर्भात लेखी पत्रही पाठविण्यात आले आहे.

संबंधित अधिकाऱ्यांकडून अद्याप कोणतीही अधिकृत प्रतिक्रिया मिळालेली नसली तरी, “गृहमंत्री कारवाई करणार का?” हा प्रश्न वर्धा जिल्ह्यातील जनतेच्या चर्चेचा मुख्य विषय ठरत आहे.